لولاك

والله لولاك ما إشتعل في قلبي من النار لهيب ...

ولولاك ما إبتعدت عن قريب ولا حبيب ...

كنت أتمنى لو لمرة أنا أراك عن قريب ...

لكن زمانك وزماني بينهم شأو بعيد ...

فرقت بيننا من القرون أربعة عشر وما يزيد ...

لكن أؤمن أننا سنلتقي في يوم جديد ...

عند ربنا رب العباد في يوم حشر ليس ببعيد ...

لإنك قولت مرة ( من أحب قوما حشر معهم ) وإني على حبك ربيت ...

وأشهد الله يا رسول الله إني أحبك وأكثر منك ما هويت ...

صلوا على من بكى شوقا لرؤيتنا صلوا على الحبيب المصطفى 

صل الله عليه وسلم 

بلدنا خرابة

والله يا بلد وبقيتي خرابة ...

والعيشة فيكي عيشة غابة ...

شوية أسود حاكمين متراخيين ومش حازمين ...

وشوية كلاب مفسدين مخربين ...

وعلى القنوات ردح من شوية ديابة ...

وناس تانية بسيطة وغلابة ...

من دوشة البلد تعبانين ...

وعلى نفسهم وعيالهم خايفين ...

عايشين حياتهم قلقانين ...

وسؤالهم ليه الأسود نايمين ؟ ...

خايفين على دم مصري مسكين ...

خايفين من غدر عميل و خاين  ...

يقتل ويسكر ويحشش ويتحرش والإعلام يقول غلابة ...

شوية كلاب على ديابة ...

عايزين البلد تبقى غابة ...

بس ربنا ميرضاش بالظلم والأسود صحيوا من النوم ...

وما دام عايزنها خرابة يبقى نهايتكم بعد كام يوم ...

يارب إنصر الحق مع مين كان يكون ...

ولا تمكن فينا حد لدينك ناوي يخون ...

يارب إحفظ مصر من الخراب ...

وإحقن دماء شعبنا وإحفظنا من العذاب ...

كتبت في عهد مرسي لما كنا بنقوله إغضب بقى حلمك دمرنا 

يوم الخميس الموافق 6/12/2012 في تمام الساعة  5 صباحا

الدنيا مالهاش أمان وإللي يآمن لها مجنون

الدنيا لما بتضحك لحد يبقى يا بخته امه داعياله ده محظوظ ..

ويا ويله يا حسرته إللي الدنيا تأسى عليه ده إنسان منحوس ..

وأنا عايشة في الدنيا عذاب وبقول ياريت أفوق ويطلع كابوس..

بس إللي زيي مكتوب لهم يعيشوا كابوس ورا كابوس ورا كابوس ..

أصل الأحلام الحلوة مش لينا ده إحنا فقر وإللي زنا متعوس ..

مكتوب عليه التعاسة يعيشها ويحلم بيها وتفضل معاه لحد النعوش ..

معلش الدنيا قاسية بس ربنا دايما مطلع وموجود ..

قادر يحول حياتنا من كابوس لحلم جميل ومن ظلمة لنور ..

بس إحنا نصبر ونقول يارب إنت عالم بما في الصدور ..

يارب أعيننا وصبرنا وإصلح شؤوننا وأصلح لنا كل الأمور ..

يارب مالناش غيرك ندعيه ونلجأ له ده إنت المعبود المشكور ..

كلنا عبادك مخلصين لعبادتك وعلى حبك وطاعتك كلنا مأمور ..

يارب إصلح حالنا وسهل لنا حياتنا و دبر لنا عيشتنا ويسر لنا الأمور ..

كتبت يوم السبت الموافق 16/3/2013 

في تمام الساعة 4 :48 مساءا

يارب خير

كل ما أقعد مع نفسي أتأمل حالي 

أحزن ع اللي راح وعلى كل أمالي 

أنا إللي كنت متفائلة جدا في يوم

النهاردة بقيت كئيبة ومليانة هموم 

فين لما كنت طموحة وكلي أمال

دلوقتي خلاص كل ده بقى خيال 

أحلامي راحت وطموحي إتدمرت 

أحلامي الجميلة في كل حتة إتنطورت

روحي المتفائلة حتى هي إتحطمت 

كل ما أحلم حلم حلو يضيع 

كل ما أحب حد يموت او يبيع 

وأرجع أقول أكيد خييييير

ربنا لسة عنده حاجات غير 

بس أنا أصبر واستحمل وربنا عنده كتير

ده حالي بعد وفاة امي الله يرحمها

إهداء إلى أعز أصحاب

أحبهم حب ليس له حدود ولكن مشيئة القدر أرادت لنا الفرقى ..

فبكت عيني ولم يستطع قلبي منعها من البكاء فبكى ..

فبت أبكي من عيني دمعا يسيل على خدي ومن قلبي الدما ..

أيا من تعلم السر وأخفى أيا عالم الغيب والنجوى ..

هل من طريقة تجمعني بهم ويبقى حبنا دائما وأبدا ؟ ..

سؤال يجول في خاطري حائرا فيا الله أجب مني الدعوى ..

سألتك ربي لا تكتب لنا الفرقى سألتك ربي على الصداقة نبقى.. 

من خواطر سنة ثالثة ثانوي 

إهداء لصديقاتي العزيزات ^_^

مأساتي في ( قصة وفاة حب حياتي )

عايزة أصرخ وأعلي صوتي وأقول أرحمنا يارب برحمتك
مش عايزة تاني طول سكوتي يبعدني يارب عن دعوتك
عايزة أصرخ على دنيا راحت في غمضة عين مع صوت صراخ من خبطة جامدة طير حياتي شحطط أبويا بهدل إخواتي
وبكل بجاحة قاعد وساكت بياكل لبانته يلعب في ياقته ورجله على رجلة التانية حاطت
ماقامش وقف عزا في حياة إنسانة خبطها أدى لوفاتها
ماقامش إعتذر من زوجها حتى وشايف دموعه على خده نازلة
قلبه محنش على طفل يبكي قلبه محسش بقلب يشكي ربنا من ظلمك ليه
أصلك يا إبني شاب متهور بيسوق بسرعة يلعب بلعبه غالية جابتها الحاجة مامته
وأرواح الناس في عينه سهله نخبط ونجري إيه يعني ما انتو كتير شوية وقولت في نفسي أقتل شوية أقلل منكم
أصله محسش في يوم بحرقة قلبه على موت حد يحبه
أصله محسش في يوم بحرقة قلبه على فقدانه مامته
بندم على ثانية في حياتي ضاعت وهي زعلانة فيها
بندم على كل ثانية ضاعت مش راضيه عني فيها
وأقول ياربي لو رجعتها ولا ثانية تاني هتزعل فيها
في قلبي هشيلها في عيني هاحطها ولا هبعد ثانية عن حضنها وهاعمل اللي يسعدها ويرضيها
الله يرحمك يا أمي في عيد الأم الكل بيحتفل بأمه ومحدش بيراعي شعور من فقد أمه
إدعولها بالرحمة وإقرأوا لها الفاتحة تنير قبرها أصل الله يرحمها كانت بتخاف من الضلمة 

كتبت يوم الثلاثاء الموافق 4/3/1214 في تمام الساعة 11 صباحا

#انا_مش_رقم

أنا مش رقم ولا عمري في يوم هاعيش رقم

يعتقل يترمي في السجن ويتظلم 

يتبهدل ياخد كام قفا وقلم 

أنا مش رقم أنا إنسان حاسس بالألم 

أنا شاب عمره راح هدر عشان رفض يعيش في عفن

أنا طفل إعتقل عشان باعلى صوته هتف ضد العطن 

أنا شهيد برصاص الغدر مات وإندفن 

أنا أم شهيد حاسة بدمار بعد ما شقى عمري إتقتل 

أنا طفل وشاب هتف ضد الظلم إعتقل 

أنا صوت كل بنت عشان حريتي فقعت عينها وبتتسحل 

أنا أم وأخت وبنت 22 ألف معتقل 

#انا_مش_رقم