خسارة يا قلبي تحب ناس بيكرهوك
وتعيش حياتك مع ناس بيجرحوك
ومش حاسيين يا قلبي انهم بيعذبوك
وميعرفش بحالك الا ملك الملوك
هو اللي خالقك هو اللي حاسك
وهو لوحده اللي يعلم بجرحك
اسجد له يا قلبي واشكيله غمك
اسجد وفضفض وهو يفرج همك
اركع يا قلبي واحكي عن جرحك
واطلب الشفا والراحة من ربك
قول يا قلبي وطلع كل اللي جواك
قول يا قلبي قبل ما يجي وقت الهلاك
قول يا قلبي فين الناس اللي حبوني
قول يا قلبي راحوا فين مشيوا وسابوني
قول يا قلبي الدنيا فرقتنا
وبعدتنا عن بعض وكمان شتتنا
ياااه يا قلبي وحشتني اوي لمتنا
نفسي ارجع تاني للشلة وصحبتنا
ياه يا قلبي كانت اجمل ايام حياتنا
احلى ايام عشناها مع حبايبنا في دراستنا
ياه يا قلبي لو ترجع تاني جمعتنا
قاكر يا قلبي ولا نسيت انت كمان
انت كمان هتحطني في طي النسيان
متحبش يا قلبي اللي نسيك من زمان
بيع يا قلبي متخليش ليه مكان
خلاص بقى يا قلبي ماهو كدة ان الاوان
اوان البعد اوان البيع اوان النسيان
خلاص يا قلبي ماهو كدة ان الاوان
