الحب الحقيقي راح فين

1. كنا في طريقنا ماشيين على كورنيش العاشقين
2. انا و هو و بس و ايدنا في ايد بعض شابكين 
3. بنحكي عن الحب اللي بيحصل بين اتنين
4. نادى وبأعلى صوته والناس جنبنا ماشيين
5. يا بياعين الهوا اسقونا منه كاسين 
6. واسقونا بعده الدوا اللي يطفي نار حبيبين
7. واحد ومراته سمعوه وهما جنبنا معديين
8. الراجل قال دول اتنين مجانين
9. لكن مراته فهمت وقالت لا دول عاشقين
10. قالها ما الحب هو اصل الجنون والدليل اننا متجوزين 
11. ضحك حبيبي وقال بينا وبينكم فرقين
12. حيه يقولهم قولت له المرة الجاية انا كدة متأخرة ساعتين 
13. وسيبته وكلي أمل أني أشوفه يوم الاتنين
14. رجعت البيت مفاجأة فظيعة بابا قال يلا ماشيين
15. ليه وازاي وامتى وفين 
16. قال جحضروا الشنط خلاص مسافرين 
17. طب ما نأجل السفرية على الاقل يومين 
18. قال لا ابدا ولا حتى ساعتين ولا دقيقتين
19. يا بابا يهديك يرضيك طب أجلها شويتين 
20. أبدا أبدا دلوقتي مش بعدين
21. كفاية لكاعة مسافرين يعني مسافرين 
22. اعملي لك همة وحضريلك شنطتين
23. طب أعمل ايه بعد بكره الاتنين
24. هاشوفه امتى واكلمه امتى وفين 
25. طب ايه اللي هيعرفه ان احنا اصلا مسافرين
26.  احترت واتلخبطت وقعدت افكر دقيقتين
27. سمعت شوية تهزيئ وفي العظم كلمتين جامدين
28. خلصي بسرعة الطيارة قايمة بعد ساعتين 
29. وشاء القدر دي اخر مرة نبقى فيها متجمعين
30. فرقت بينا مسافة كبيرة بين بلدين
31. ورحعت بعد سفري الطويل مدة سنتين
32. ادور على حبيبي لاقيت المفتري بيحب اتنين
33. قولت انت مش قولت لي اني لوحدي اللي عليها العين
34. قالي اه بس الكلام ده كان من حوالي سنتين
35. وبعدين الكلام ده بيتقال عشان نعيش في جو يومين
36. قولت له يعني انت محبتنيش ولو لمجرد ثانيتين 
37. قالي عايزة الصراحة ولا واحده من اخواتها الاتنين 
38. انا صح حبيتك ولمدة اكتر حتى من شهرين
39. بس بنسى البنت بمجرد ما تبعد عن العين
40. قولت له والحب اللي بيننا ده كله راح فين 
41. قالي انسي يا حلوة وعيشي لك يومين
42. وسيبيني في حالي انا عندي حبيبتين
43. سهى ونهى وتعرفي انهم اختين 
44. قولت له حرام عليك هما دول لعبتين
45. تلعب بمشاعر البنات وتفرق بين اختين
46. سابني ومشي ولا كأنه سمع كلمتين
47. عندي معاد مع سهى ونهى بعدها بساعتين
48. ومن ساعتها عرفت ان الشباب اندال غدارين
49. ويبيعوا البنت باقل من دولار او دولارين
50. بس انا اللي يبيعني ابيعه بالتراب ميستاهلش درهمين
51. وحلفت لأكتب حكايتي والخص قصتي في صفحتين
52. تبقى عبرة لكل بنت عايزة تحب ولو يومين
53. وارجع اقول يا بياعين الهوا الحب الحقيقي راح فين 
54. يا بياعين الهوا الحب الحقيقي راح فين